آزادجموں و کشمیر کے وزیر اعظم چوہدری انوار الحق نے بولان آپریشن مکمل کرنے اور مسافروں کو بازیاب کرانے پر سیکیورٹی فورسز کو خراج تحسین پیش کیا ہے

آزادجموں و کشمیر کے وزیر اعظم چوہدری انوار الحق نے بولان آپریشن مکمل کرنے اور مسافروں کو بازیاب کرانے پر سیکیورٹی فورسز کو خراج تحسین پیش کیا ہے ، وزیراعظم آزاد کشمیر چوہدری انوار الحق نے کہا کہ سیکیورٹی فورسز نے بہترین حکمت عملی سے جعفر ایکسپریس آپریشن کو مکمل کیا ، پاک فوج کے بہادر جوانوں نے 33 دہشتگردوں کو کیفرِ کردار تک پہنچایا ،سپہ سالار اعلیٰ کی دلیرانہ قیادت کی بدولت بغیر کسی بڑے نقصان کے آپریشن مکمل ہوا ، وزیراعظم آزادکشمیر نے کہا کہ مسلح افواج پاکستان اپنی پیشہ ورانہ صلاحیت سے دہشتگردی کی عفریت کو جڑ سے اکھاڑ پھینکیں گی ،ریاست پاکستان کے خلاف سازشیں کرنے والے دشمنوں کو منہ کی کھانا پڑے گی ، انھوں نے کہا کہ دہشتگردی کے خلاف جنگ میں کھلے اور چھپے دشمنوں کا انجام عبرتناک ہو گا ، رمضان المبارک کے مقدس ماہ میں نہتے اور معصوم مسافروں کو نشانہ بنانے والے کسی رعایت کے مستحق نہیں ،دھشتگردی کے خلاف جنگ میں کشمیری قوم مسلح افواج پاکستان کے شانہ بشانہ کھڑی ہے ، وزیراعظم نے بولان آپریشن میں سیکیورٹی فورسز کے جوانوں اور معصوم مسافروں کی شہادت پر گہرے رنج و الم کا اظہار بھی کیا اور شہداء کے لیے دعائے مغفرت اور ورثاء کے لیے صبر جمیل کی دعا بھی کی۔