عبدالحمید کی سربراہی میں وفد نے ایس او ایس ہرمن مائنر سکول کا دورہ کیا ۔ دورہ کے دوران وفد کو اسسٹنٹ ڈائریکٹر ایس و ایس ہرمن ویلیج محترمہ ضوباریہ حسین نے تفصیلی بریفنگ دی ۔

عبدالحمید کی سربراہی میں وفد نے ایس او ایس ہرمن مائنر سکول کا دورہ کیا ۔ دورہ کے دوران وفد کو اسسٹنٹ ڈائریکٹر ایس و ایس ہرمن ویلیج محترمہ ضوباریہ حسین نے تفصیلی بریفنگ دی ۔ وفد کو بریفنگ میں بتایا گیا کہ ایس و ایس ہرمن مائنر سکول آزادکشمیر میں یتیم اور بے سہارا بچوں کی پرورش کے لیے اقدامات اٹھا رہا ہے ۔ اس وقت ایس و ایس ویلج مظفر آباد میں 110 بچے زیر تربیت ہیں ، ایس و ایس ویلج بچوں کی پرورش ، رہائش اور تربیت کا ذمہ دار ادا رہ ہے، علاوہ ازیں بچوں کو فنی تعلیم کے مواقع بھی فراہم کیے جاتے ہیں ۔ انھوں نے وفد کو بتایا کہ ایس و ایس ہر من مائنر سکولز سسٹم کا ایک ذیلی ادارہ ایس و ایس یوتھ ہوم بھی ہے ۔ اس ادارہ میں بالغ بچوں کی تربیت کی جاتی ہے اور انھیں معاشرہ کا کارآمد شہری بنایا جاتاہے ۔ اسسٹنٹ ڈائریکٹر ایس و ایس ہرمن ویلیج محترمہ ضوباریہ حسین نے وفد کے سربراہ کو ادارہ کے اغراض و مقاصد اور ادارے کی فنڈگ کے ذرائع سمیت موجودہ جاری پروجیکٹس کی تفصیل بارے بھی آگاہ کیا ۔ انھوں نے کہاکہ آزادکشمیر میں ایس و ایس ہرمن مائنر سکول کے زیر انتظام آزادکشمیر میں دو سیٹ اپ انسٹال کیے گئے ہیں ۔ ایک سیٹ اپ مظفرآباد اور دوسرا راولاکوٹ میں موجودہے ۔ علاوہ ازیں پاکستان بھر میں ایس و ایس کے زیر انتظام 16 یونٹس ہیں جہاں یتیم اور بے سہارا بچوں کی رہائش ، تعلیم وتربیت کا بندوبست کیاگیاہے۔ ایس و ایس ہرمن مائنر سکولز کا مقصد معاشرے کے پیسے طبقات کے بچے اور یتیم و بے سہارا بچوں کی درست سمت تربیت کر کے انھیں معاشرے کا کارآمد شہری بناناہے ۔ اس حوالے سے مظفرآباد میں قائم اس ادارے کی زمین حکومت آزادکشمیر نے وقف کی ہوئی ہے جبکہ ادارے کا انتظام و انصرام این جی او کے سپرد ہے جس کا نظام پاکستان بھر سے صاحب ثروت لوگوں کی مالی معاونت سے چل رہا ہے ۔