وزیر اطلاعات آزاد حکومت ریاست جموں وکشمیر مولاناپیر محمد مظہر سعید شاہ نے 15 اگست بھارتی یوم آزادی کو یوم سیاہ کے طور پر منانے کے موقع پر اپنے پیغام میں کہا کہ آج ہندوستان کے یوم آزادی کو دنیا بھر میں مقیم کشمیری اور پاکستانی عوام یوم سیاہ کے طور پر منا رہے ہیں۔ کشمیری عوام اسلام کی سربلندی، پاکستان کی سلامتی، سالمیت، استحکام اور تکمیل پاکستان کیلئے اپنی جد وجہد جاری رکھیں گے اور کامیابی کے حصول تک یہ جد جہد جاری رہے گی۔ پاکستان اور آزاد کشمیر کے عوام اپنے مقبوضہ کشمیر کے عوام کی اخلاقی، سیاسی اور سفارتی امداد سے کبھی دستبردار نہیں ہونگے۔ مسئلہ کشمیر پر کشمیری عوام کا موقف بالکل واضح اور دو ٹوک ہے جس میں کوئی ابہام نہیں ہے۔ کشمیری عوام ریاست جموں وکشمیر کو ناقابل تقسیم وحدت سمجھتے ہیں ہم واضح کر دینا چاہتے ہیں کہ کشمیری عوام کیلئے وہی حل قابل قبول ہو گا جو کشمیری عوام کی خواہشات اور اقوام متحدہ کی قراردادوں کے مطابق ہو گا اور یہی اس کا دیر پا اور پائیدار حل ہو گا۔ ہندوستان میں اقلیتوں کے حقوق کو تحفظ حاصل نہیں ہے۔ اور بھارت مقبوضہ کشمیر میں مسلسل بنیادی انسانی حقوق کی خلاف ورزیوں کا مرتکب ہو رہا ہے اور ہندوتواکے نظریہ پر عمل پیرا ہندوستان مقبوضہ کشمیر کو ہضم نہیں کر سکتا۔ وزیر اطلاعات پیر مظہر سعید شاہ نے کہا کہ انشائاللہ کشمیریوں کی آزادی کی تحریک اپنے منطقی انجام تک پہنچ کر ہی دم لے گی
آزادکشمیر کی وزیرسمال انڈسٹریز وٹریڈ اینڈ ٹریول پروفیسر تقدیس گیلانی اور ڈائریکٹر جنرل ساوتھ ایشیا الیاس نظامی کی دفتر خارجہ میں ملاقات
آزادکشمیر کی وزیرسمال انڈسٹریز وٹریڈ اینڈ ٹریول پروفیسر تقدیس گیلانی اور ڈائریکٹر جنرل ساوتھ ایشیا الیاس نظامی کی دفتر خارجہ میں ملاقات۔ مسئلہ کشمیر سمیت