وزیر اطلاعات آزاد حکومت ریاست جموں وکشمیر مولاناپیر محمد مظہر سعید شاہ نے کمپیوٹر ائزڈ اراضی ریکارڈ سنٹر آٹھمقام کا دورہ کیا

وزیر اطلاعات آزاد حکومت ریاست جموں وکشمیر مولاناپیر محمد مظہر سعید شاہ نے کمپیوٹر ائزڈ اراضی ریکارڈ سنٹر آٹھمقام کا دورہ کیا۔ انچارج دفتر کمپیوٹرائزڈ اراضی ریکارڈ سینٹر سے انفارمیشن ٹیکنالوجی بورڈ اینڈ بورڈ اف ریونیو ازاد جموں کشمیر کے منصوبہ” کمپیوٹر ائزیشن آف لینڈ ریکارڈ” پر بریفنگ لی اور ون ونڈو آپریشن کے تحت اراضی رجسٹریشن کے عمل کا از خود مشاہدہ کیا۔ اس موقع پر وزیر اطلاعات پیر مظہرسعید شاہ نے کہا کہ حکومت نے عوام کی سہولت کی خاطر کمپیوٹرائزڈ لینڈ ریکارڈ سینٹر قائم کیے ہیں اب عوام نہایت ہی قلیل وقت میں اپنی اراضی سے متعلق ون ونڈو سینٹر کے ذریعے معلومات، نقولات حاصل کر سکتے ہیں۔ انہوں نے کہا کہ اراضی کے ریکارڈ کی کمپیوٹرائزیشن کے بعد ریکارڈ میں کوئی ردوبدل نہیں کیا جا سکتا۔ انہوں نے سینٹر انچارج کو ہدایت دیتے ہوئے کہا کہ عوام کو زیادہ سے زیادہ سہولیات فراہم کی جائیں۔ وزیر اطلاعات پیر مظہرسعیدشاہ نے ملازمین کی تنخواہوں کی عدم ادائیگی و دیگر جائز مسائل کو حل کرنے کی یقین دہانی بھی کرائی