ڈپٹی کمشنر چوہدری امجد اقبال نے آزاد جموں وکشمیر چیمبر آف کامرس اینڈ انڈسٹریزکے اراکین و ممبران،صنعتکاروں اور کاروباری حضرات سے اپیل کی کہ وہ ترکیہ اور شام کے زلزلہ متاثرین کی مالی امداد کے لئے امدادی کیمپ لگائیں اور بڑھ چڑھ کر نقد مالی امداد جمع کریں تاکہ حکومتی سطح پر ترکیہ اور شام کے زلزلہ متاثرہ بھائیوں کی زیادہ سے زیادہ مالی امداد کی جاسکے

ڈپٹی کمشنر چوہدری امجد اقبال نے آزاد جموں وکشمیر چیمبر آف کامرس اینڈ انڈسٹریزکے اراکین و ممبران،صنعتکاروں اور کاروباری حضرات سے اپیل کی کہ وہ ترکیہ اور شام کے زلزلہ متاثرین کی مالی امداد کے لئے امدادی کیمپ لگائیں اور بڑھ چڑھ کر نقد مالی امداد جمع کریں تاکہ حکومتی سطح پر ترکیہ اور شام کے زلزلہ متاثرہ بھائیوں کی زیادہ سے زیادہ مالی امداد کی جاسکے۔
ان خیالات کا اظہار انھوں نے آزادجموں وکشمیر چیمبر آف کامرس اینڈ انڈسٹریز کے صدرسید صابر حسین شاہ کی قیادت میں ملنے والے وفد سے بات چیت کرتے ہوئے کیا۔انھوں نے کہاکہ صنعتکاروں اور کاورباری حضرات سے ترکیہ اور شام کے متاثرین زلزلہ کی مالی امداد کے لیے کیمپ لگائے جائیں اور زیادہ سے زیادہ فنڈز اکٹھے کیے جائیں۔2005کے زلزلہ میں جس طرح میرپور کے صنعتکاروں،کاروباری اور مخیر حضرات نے دل کھول کر مدد کی تھی اسی طرح آج ہمیں اپنے ترکیہ اور شام کے بھائیوں کی امداد کے لیے نقد مالی امداد دینی چاہیے