وزیر اطلاعات آزاد حکومت ریاست جموں وکشمیر پیر محمد مظہر سعید شاہ نے نیشنل سیکورٹی ڈویژن پاکستان کے سینیئر پالیسی analyst فہیم سردار کی وفات پر انکے گھر جا کر اہلخانہ سے اظہار تعزیت کیا۔ وزیر اطلاعات کے ہمراہ حافظ محمد طاہر خطیب بلوچستان ہاؤس اسلام آباد بھی موجود تھے۔ وزیر اطلاعات نے اس موقع پر مرحوم فہیم سردار کی اہلیہ فائزہ فہیم اور بیٹے یوسف فہیم سے تعزیت کرتے ہوئے مرحوم کے بلندی درجات اور لواحقین کے لیے صبر جمیل کی دعا کی۔ وزیر اطلاعات نے کہا کہ فہیم سردار صاحب سیرت اور خوش اخلاق انسان تھے، اللہ رب العزت انکی مغفرت فرمائے اور لواحقین کو صبر جمیل عطا فرمائے۔ مرحوم فہیم سردار بریگیڈیئر سردار احمد مرحوم کے فرزند تھے اور مرحوم نے وزیر اطلاعات پیر محمد مظہر سعید شاہ اور حافظ محمد طاہر کے ہمراہ نیشنل ڈیفنس یونیورسٹی اسلام آباد کے زیر اہتمام منعقدہ نیشنل سیکورٹی ورکشاپ 25 میں شریک تھے۔
سپیکر قانون ساز اسمبلی چوہدری طارق فاروق کی زیر صدارت آزادجموں وکشمیر قانو ن ساز اسمبلی کے اجلاس میں سابق وزیرا عظم و ممبر اسمبلی فیصل ممتاز راٹھور،اپوزیشن لیڈر و ممبر اسمبلی چوہدری محمد یاسین،ممبر اسمبلی چوہدری محمد اسماعیل،ممبر اسمبلی سید بازل علی نقوی،ممبر اسمبلی محترمہ سحرش قمر،ممبر اسمبلی چوہدری محمد رخسار،ممبر اسمبلی محترمہ فرزانہ یعقوب کی جانب سے قراردادیں پیش کیں گئیں۔جنہیں متفقہ طور منظور کر لیا گیا۔
سپیکر قانون ساز اسمبلی چوہدری طارق فاروق کی زیر صدارت آزادجموں وکشمیر قانو ن ساز اسمبلی کے اجلاس میں سابق وزیرا عظم و ممبر اسمبلی
November 5, 2026
