وزیراعظم آزاد حکومت ریاست جموں و کشمیر چوہدری انوارالحق نے گرلز ڈگری کالج میانی بانڈی کا معائنہ کیا.

وزیراعظم آزاد حکومت ریاست جموں و کشمیر چوہدری انوارالحق نے گرلز ڈگری کالج میانی بانڈی کا معائنہ کیا. اس موقع پر وزرائے حکومت سید بازل علی نقوی, دیوان علی خان چغتائی, سردار جاوید ایوب اور چوہدری محمد رشید بھی موجود تھے۔ وزیراعظم آزادکشمیر چوہدری انوارالحق نے تعمیراتی کام کی رفتار کا جائزہ لیا اور متعلقہ حکام کو تعمیراتی کام جلد مکمل کرنے کی ہدایت کی. وزیراعظم آزاد کشمیر نے کہا کہ معیار کے ساتھ منصوبے کی بروقت تکمیل کو یقینی بنایا جائے، ترقیاتی منصوبوں کے لئے فنڈز کا کوئی مسئلہ نہیں ہے، وزیراعظم نے متعلقہ حکام کو ہدایت کی کہ منصوبے کی جلد تکمیل کو یقینی بنایا جائے. حکومت کی اولین ترجیح عام آدمی کی زندگی کو آسان بنانا ہے ، معیار پر سمجھوتا نہیں کریں گے ، عوام کی فلاح مقدم ہے ، عوام کے ٹیکس کے ایک ایک پیسے کا تحفظ یقینی بنائیں گے ، تعلیم کے معیار کے ساتھ ساتھ انفراسٹرکچر کی بہتری کو بھی یقینی بنا رہے ہیں ، نظام سے کرپشن اور بدعنوانی کا خاتمہ موجودہ حکومت کی ترجیحات میں شامل ہے ، حکومت کے وسائل عوام کی فلاح کے لیے ہی صرف ہوں گے ، واضح کررہا ہوں کہ نوجوان نسل کے تابناک مستقبل کے لیے کام کریں گے تو حقیقی ترقی کا خواب شرمندہ تعبیر ہوگا ، مستقبل کے چیلنجز کو سامنے رکھتے ہوئے ہمیں مؤثر حکمت عملی کے ساتھ آگے بڑھنا ہے ۔