وزیراعظم ازاد حکومت ریاست جموں و کشمیر کے خصوصی احکامات پر ازاد کشمیر کے مختلف شہروں میں نظام انتباہ (ارلی وارننگ سسٹم) کو فعال کر دیا گیا ہے

وزیراعظم ازاد حکومت ریاست جموں و کشمیر کے خصوصی احکامات پر ازاد کشمیر کے مختلف شہروں میں نظام انتباہ (ارلی وارننگ سسٹم) کو فعال کر دیا گیا ہے ڈائریکٹر جنرل سول ڈیفنس کیپٹن(ر) ابرار اعظم کے مطابق مظفراباد شہر کے سات مختلف مقامات پر سائرن نصب کیے گئے ہیں جو کہ کسی بھی ایمرجنسی/ یا خطرہ کی صورت میں شہریوں کی انتباہ کے لیے بجائے جائیں گے اس کے علاوہ میرپور، راولاکوٹ اور دیگر اضلاع میں سول ڈیفنس کے ضلعی دفاتر نے بھی شہروں اور قصبوں میں سائرن نصب کر کے نظام انتباہ کے سلسلے میں اقدامات کیے ہیں۔ اس سلسلہ میں شہریوں سے اپیل کرتے ہوئے انھوں نے کہا کہ شہری خطرہ کی صورت میں سائرن کی آوز سنتے ہی محفوظ مقامات پر چلے جائیں۔ افواہ بازی اور سنسنی خیز خبروں سے بچنے کے لیے سرکاری میڈیا سے نشر ہونے والی مستند خبروں پر دھیان دیں۔ یاد رہے کہ محکمہ شہری دفاع نے مختلف دفاتر اور تعلیمی اداروں میں عوام الناس کو ہنگامی حالات میں مناسب رد عمل دینے اور محفوظ مقامات کی طرف انخلا کے حوالے سے آزاد کشمیر بھر میں تربیتی پروگرام شروع کر رکھا ہے۔