آزادجموں و کشمیر کے وزیراعظم چوہدری انوارالحق نے پندرہویں نیشنل ورکشاپ بلوچستان کے وفد سے اڑھائی گھنٹے گفتگو کی

آزادجموں و کشمیر کے وزیراعظم چوہدری انوارالحق نے پندرہویں نیشنل ورکشاپ بلوچستان کے وفد سے اڑھائی گھنٹے گفتگو کی ، وفد کے شرکاء نے وزیراعظم کی ، معلومات افزاء اور تاریخی سیاق و سباق میں کی جانے والی گفتگو کو بے حد سراہا اور دو مرتبہ تالیاں بجا کر وزیراعظم کو خراج تحسین پیش کیا ۔وزیراعظم نے اس دوران شرکاء کے سوالوں کے جوابات بھی دئیے اور سیاست ،معیشت ،تجارت سمیت پاک بھارت حالیہ کشیدگی اور اس کے نتیجے میں پیدا ہونے والی صورتحال پر کھل کر اپنے خیالات کا اظہار کیا ، وفد میں شامل دو خواتین نے وزیراعظم کے انداز بیان کو بے حد سراہا اور کہا کاش آپ جیسا حکمران پاکستان کو بھی مل جائے ۔شرکاء نے وزیراعظم سے کہا کہ وہ ایسے گرینڈ جرگے کا اہتمام کریں جس میں پاکستان کے تمام سیاستدانوں کو مل بیٹھنے کا موقع فراہم کیا جائے تاکہ ملک میں سیاسی پولرائزیشن کا خاتمہ کو اور ملک ترقی کرے ۔