رجسٹرڈ،ملاوٹ سے پاک،معیاری اشیائے خوردونوش کی فراہمی یقینی بنانے کیلئے ٹیم فوڈ اتھارٹی کی کارروائیاں جاری، ٹیم فوڈ اتھارٹی مظفرآباد نے برارکوٹ انٹری پوائنٹ پر ناکہ لگاکرپانی،جوس،آئل،جوسز،کولڈ ڈرنکس کے سمپل حاصل کرتے ہوئے موبائل فوڈٹیسٹنگ لیب کے ذریعے موقع پر ٹیسٹنگ کی گئی۔

رجسٹرڈ،ملاوٹ سے پاک،معیاری اشیائے خوردونوش کی فراہمی یقینی بنانے کیلئے ٹیم فوڈ اتھارٹی کی کارروائیاں جاری، ٹیم فوڈ اتھارٹی مظفرآباد نے برارکوٹ انٹری پوائنٹ پر ناکہ لگاکرپانی،جوس،آئل،جوسز،کولڈ ڈرنکس کے سمپل حاصل کرتے ہوئے موبائل فوڈٹیسٹنگ لیب کے ذریعے موقع پر ٹیسٹنگ کی گئی۔غیر معیاری اور غیر رجسٹرڈ اشیائے خوردونوش ضبط کرتے ہوئے فوڈ بزنس آپریٹرز کوجرمانے و وارننگ نوٹس جاری کیے گئے۔ڈسٹرکٹ فوڈ کنٹرولر مظفرآباد ابرار احمد میر نے کہا کہ غیر رجسٹرڈ اور غیر معیاری اشیائے خوردونوش کی فروخت اندرون آزادکشمیر فوڈ اتھارٹی ایکٹ 2017کیخلاف ہے جس کے تحت غیر رجسٹرڈ فوڈ بزنس آپریٹر کیخلاف کارروائیاں جاری ہیں۔ فوڈ اتھارٹی ایکٹ 2017اورپیور فوڈریگولیشن کا عملی معنوں میں نفاذ اولین ترجیح ہے۔ناقص اور غیر معیاری اشیاء کی فروخت کرنے والوں کیخلاف فوڈ اتھارٹی ایکٹ 2017کے تحت سخت کارروائی عمل میں لائی جائے گی۔عوام کو ملاوٹ سے پاک معیاری خوراک کی فراہمی ترجیح اول ہے۔غیر رجسٹرڈ ،غیر معیاری اشیائے خوردونوش فروخت کرنے والوں کے ساتھ کوئی رعایت نہیں برتی جائے گی۔