چیف جسٹس آزادجموں وکشمیر جسٹس راجہ سعید اکرم خان کی زیر صدارت سپریم کورٹ کی گولڈن جوبلی کے موقع پر منعقدہ جوڈیشل کانفرنس کے انتظامات کے حوالہ سے مختلف محکمہ جات کا جائزہ اجلاس منگل کے روز منعقد ہوا۔

چیف جسٹس آزادجموں وکشمیر جسٹس راجہ سعید اکرم خان کی زیر صدارت سپریم کورٹ کی گولڈن جوبلی کے موقع پر منعقدہ جوڈیشل کانفرنس کے انتظامات کے حوالہ سے مختلف محکمہ جات کا جائزہ اجلاس منگل کے روز منعقد ہوا۔ اجلاس میں چیف جسٹس آزادجموں وکشمیر جسٹس راجہ سعید اکرم خان، سینئر جج سپریم کورٹ جسٹس خواجہ محمد نسیم اور جج سپریم کورٹ جسٹس رضا علی خان نے سپریم کورٹ رجسٹری میرپور سے ویڈیو لنک کے ذریعے شرکت کی۔ ویڈیو لنک میں رجسٹرار سپریم کورٹ مظہر اقبال ،سیکرٹری سروسز اینڈ جنرل ایڈمنسٹریشن سردار ظفر محمود خان، سیکرٹری اطلاعات سردار عدنان خورشید، سیکرٹری لوکل گورنمنٹ ودیہی ترقی شاہد ایوب، سیکرٹری انفارمیشن ٹیکنالوجی بورڈ چوہدری محمد فرید، سیکرٹری سیاحت وآثار قدیمہ چوہدری عبدالرحمن ، سیکرٹری فزکل پلاننگ چوہدری مجید، ڈپٹی رجسٹرار رجسٹری برانچ میرپورافتخار شوکت، ڈپٹی رجسٹرار ریسرچ فیضان حیدر، اسٹنٹ رجسٹرار سپریم کورٹ نثار شاہین،سٹاف آفیسر سپریم کورٹ تیمور ممتاز،ڈپٹی سیکرٹری داخلہ محمد علی سمیت دیگر متعلقہ حکام ویڈیو لنک اجلاس میں شریک ہوئے۔ اجلاس تمام متعلقہ محکمہ جات کےسیکرٹری صاحبان نے اپنے اپنے محکمہ کو تفویض کردہ ذمہ داریوں پر بریفنگ دی۔ اس موقع پر گفتگو کرتے ہوئے چیف جسٹس آزادجموں وکشمیر جسٹس راجہ سعید اکرم خان نے کہا کہ 9 اور 10 مئی کو آزادجموں وکشمیر سپریم کورٹ کی گولڈن جوبلی کے موقع پر شایان شان جوڈیشل کانفرنس کا انعقاد کیا جا رہا ہے۔سپریم کورٹ کے 50 سال مکمل ہونے پرجوڈیشل کانفرنس کی گولڈن جوبلی تقریبات منعقد ہو رہی ہیں۔ جسکے تمام تر انتظامات کو بہترین انداز میں مکمل کیا جائے۔ اس حوالہ سے محکمہ جات کو تفویض کردہ فرائض بروقت مکمل ہونے چاہیں۔انہوں نے کہا کہ تمام محکمہ جات ایک دوسرے کے ساتھ کوآرڈینیشن کو یقینی بناتے ہوئے انتظامات کو حتمی شکل دیں اور سپریم کورٹ کو وقتا فوقتا پراگرس سے آگاہ کیا جائے۔