ڈپٹی کمشنر مدثر فاروق کی زیر صدارت ڈپٹی کمشنرآفس میں یوم پاکستان شایان شان منائے جانے کے سلسلہ میں اجلاس منعقد ہوا۔

ڈپٹی کمشنر مدثر فاروق کی زیر صدارت ڈپٹی کمشنرآفس میں یوم پاکستان شایان شان منائے جانے کے سلسلہ میں اجلاس منعقد ہوا۔اجلاس میں ضلعی آفیسران اور پولیس آفیسران نے شرکت کی۔ ڈپٹی کمشنر نے شرکاء کو بتایا کہ 23 مارچ کا دن پاکستان کی تاریخ میں اہمیت کا حامل ہے۔ اس دن کو شایان شان طریقہ سے منائے جانے کہ سلسلہ میں امسال بھی مرکزی تقریب ضلعی ہیڈ کوارٹر میں منعقد ہونے کے علاوہ انٹری پوائنٹ برارکوٹ میں تقریب منعقد ہو گی جس میں ملی نغمے اور واک کا انتظام کیا جا رہا ہے۔ دن کا آغاز 21 توپوں کی سلامی سے کیا جائے گا، تمام مساجد میں پاکستان کی سالمیت،ترقی و خوشحالی اور مقبوضہ کشمیر کی جلد آزادی کیلئے دعاوں کا اہتمام کیا جائے گا۔ صبح 08:30بجے سائرن بجائے جائیں گے، ریزرو پولیس کا دستہ پرچم کشائی کے موقع پر سلامی پیش کرے گا۔