آزاد کشمیر میں بلدیاتی انتخابات27-2026 کے انعقاد کے حوالہ سے چیف الیکشن کمشنر آزاد جموں و کشمیر جسٹس(ر) غلام مصطفٰی مغل کی زیر صدارت آزاد جموں و کشمیر الیکشن کمیشن کا اجلاس منعقد ہوا۔

آزاد کشمیر میں بلدیاتی انتخابات27-2026 کے انعقاد کے حوالہ سے چیف الیکشن کمشنر آزاد جموں و کشمیر جسٹس(ر) غلام مصطفٰی مغل کی زیر صدارت آزاد جموں و کشمیر الیکشن کمیشن کا اجلاس منعقد ہوا۔ اجلاس میں سینئر ممبر الیکشن کمیشن خواجہ محمد احسن، ممبرالیکشن کمیشن سید نظیر الحسن گیلانی کے علاوہ سیکرٹری الیکشن کمیشن ایاز بشیر، الیکشن کمشنر بلدیات راجہ راشد محمود اور نگران بلدیات راجہ مختیار حسین بھی موجود تھے۔ اجلاس میں فیصلہ کیا گیا کہ بلدیاتی انتخابات کے انعقاد کے حوالہ سے موجودہ نافذ العمل لوکل گورنمنٹ ایکٹ 1990الیکشن سے متعلقہ ضروری ترامیم صوبہ پنجاب، خیبر پختو نخواہ، اور سندھ کو مد نظر رکھتے ہوئے حکومت کو ارسال کی جائیں گی۔ جس کے لئے ایک کمیٹی تشکیل دی گئی ہے نیز بلدیاتی انتخابات کے انعقاد کے لئے مطلوبہ فنڈز کی فراہمی کے لئے تخمینہ مرتب کرتے ہوئے حکومت کو ارسال کیا جائے گا۔ اجلاس میں یہ بھی فیصلہ کیا گیا کہ بلدیاتی انتخابات کا انعقاد آئینی طور پر الیکشن کمیشن کی ذمہ داری ہے جو ادا کرنے کے لئے الیکشن کمیشن تیار ہے اور اس کے لئے ضروری اقدامات اٹھائے جارہے ہیں۔