وزیراعظم آزادحکومت ریاست جموں و کشمیر فیصل ممتاز راٹھور سے نوتعینات انسپکٹر جنرل پولیس آزاد کشمیر کیپٹن (ر) ڈاکٹر لیاقت علی ملک نے ملاقات کی۔

وزیراعظم آزادحکومت ریاست جموں و کشمیر فیصل ممتاز راٹھور سے نوتعینات انسپکٹر جنرل پولیس آزاد کشمیر کیپٹن (ر) ڈاکٹر لیاقت علی ملک نے ملاقات کی۔اس موقع پر نوتعینات انسپکٹر جنرل پولیس آزاد کشمیر کیپٹن (ر) ڈاکٹر لیاقت علی ملک نے وزیرِاعظم آزاد کشمیر کو امن و امان کی مجموعی صورتحال، محکمانہ ڈھانچے، درپیش چیلنجز ، پولیس فورس کی استعداد کار بڑھانے، جدید خطوط پر تربیت، ٹیکنالوجی کے مؤثر استعمال اور عوام دوست پولیسنگ بارے تفصیلی بریفنگ دی ۔اس موقع پر گفتگو کرتے ہوئے وزیر اعظم آزاد کشمیر فیصل ممتاز راٹھور نے نوتعینات انسپکٹر جنرل پولیس آزاد کشمیر کیپٹن (ر) ڈاکٹر لیاقت علی ملک کو نئی ذمہ داریاں سنبھالنے پر مبارکباد دیتے ہوئے کہا کہ نوتعینات اسپیکٹر جنرل پولیس کے تجربے اور پیشہ ورانہ صلاحیتوں سے محکمہ پولیس کی کارکردگی میں مزید بہتری آئے گی۔ حکومت شہریوں کے جان و مال کے تحفظ اور قانون کی بالادستی کے قیام کے لیے ہر ممکن تعاون فراہم کرے گی۔وزیراعظم آزاد کشمیر فیصل ممتاز راٹھور نے کہا کہ رمضان کے مقدس مہینے میں پولیس شہروں میں امن و امان کے قیام کو برقرار رکھنے کے لیے تندہی سے کام کرے ، شہریوں کا تحفظ اور گورننس کی بہتری کے لیے حکومت کی معاونت پولیس کی زمہ داری ہے ، وزیراعظم آزاد کشمیر فیصل ممتاز راٹھور نے کہا کہ جرائم کی روک تھاماور عوام کے کے تحفظ کے لیے مربوط اور مؤثر حکمت عملی اپنائی جائے، تاکہ ریاست میں امن و استحکام برقرار رہ سکے ۔