آزاد جموں وکشمیر کے وزیر اعظم چوہدری انوار الحق سے میرپور اور بھمبر کے وفود نے ریسٹ ہاؤس میں ملاقات کی اور اپنے مسائل سے آگاہ کیا۔

آزاد جموں وکشمیر کے وزیر اعظم چوہدری انوار الحق سے میرپور اور بھمبر کے وفود نے ریسٹ ہاؤس میں ملاقات کی اور اپنے مسائل سے آگاہ کیا۔وفود نے وزیر اعظم چوہدری انوار الحق کی طرف سے کشمیریوں کی امنگوں کے مطابق مسئلہ کشمیر پرجاندار موقف اختیار کرنے اور آزادکشمیر میں گڈ گورننس کے قیام پر ان کی حکومتی کارکردگی کو سراہا۔ وزیر اعظم چوہدری انوار الحق نے کہا کہ ریاست بھرمیں تعمیر وترقی بلاتخصیص اور بلاامتیاز جاری ہے،قانون و آئین کی بالادستی اور میرٹ پر عملدرآمد کے حوالے سے حکومت پوری طرح کاربند ہے اس حوالے سے لوگوں کے مسائل بھی بتدریج حل ہورہے ہیں۔