آزادکشمیر میں مسلم ہینڈز کے زیر اہتمام فٹ بال کے ٹرائلز کا آغاز۔ دارلحکومت مظفرآباد کے خورشید الحسن خورشید فٹ بال اسٹیڈیم میں فٹ بال کے ٹرائلز لئے گئے۔

آزادکشمیر میں مسلم ہینڈز کے زیر اہتمام فٹ بال کے ٹرائلز کا آغاز۔ دارلحکومت مظفرآباد کے خورشید الحسن خورشید فٹ بال اسٹیڈیم میں فٹ بال کے ٹرائلز لئے گئے۔ مسلم ہینڈز کے پبلک ریلیشن آفیسر قمر عطاء کے مطابق دوسرے مرحلے میں راولاکوٹ تیسرے مرحلے میں کوٹلی اور پھر میرپور میں ٹرائلز لیے جائیں گے۔ فٹ بال کے ٹرائلز ملک بھر میں لیے جارہے ہیں۔ انڈر 16 عمر کے بچوں سے فٹ بال کے ٹرائل لیے جارہے ہیں۔ ٹرائلز کے بعد منتخب کیے گئے بچوں کا میرپور میں تربیتی کیمپ لگایا جائے گا اور کوچنگ کی جائے گی جس کے بعد منتخب شدہ انڈر 16 کھلاڑی ناروے کپ میں حصہ لیں گے۔ کوچ عبدالرشید کا کہنا ہے کہ مسلم ہینڈز کا فوکس ہے کہ ایسے بچوں کو آگے لایا جائے جن میں پوٹینشل موجود ہے اور سہولیات کی عدم دستیابی کیوجہ سے وہ اوپر نہیں آ سکتے۔ آزاد کشمیر کا پہلا آسٹرو ٹرف گراونڈ میرپور میں موجود ہے جس میں کھیل کے حوالے سے بچوں کا ٹریننگ دی جائے گی اور ان کی تمام ضروریات کی ذمہ داری مسلم ہینڈز پوری کریگی۔ مسلم ہینڈز کا مشن ہے کہ میدانوں کو زیادہ سے زیادہ آباد کیا جائے اور نئے ٹیلنٹ کے لئے مواقع پیدا کیے جائیں۔ مسلم ہینڈز کے زیر اہتمام کوچ عبدالرشید نے ٹرائلز لیے۔