وزیر خوراک حکومت آزادکشمیر چوہدری محمد اکبر ابراہیم نے سوشل میڈیا پر مظفرآباد اور گردونواح میں غیر معیاری آٹے کی ترسیل کا نوٹس لے لیا۔وزیر خوراک کی ہدایت پر ناظم خوراک عبد الحمید کیانی نے کمیٹی ممبران کے ہمراہ نیلم فلور ملز مظفر آباد اور گیلانی فلور ملز کو ہالہ کا معائنہ کیا۔

وزیر خوراک حکومت آزادکشمیر چوہدری محمد اکبر ابراہیم نے سوشل میڈیا پر مظفرآباد اور گردونواح میں غیر معیاری آٹے کی ترسیل کا نوٹس لے لیا۔وزیر خوراک کی ہدایت پر ناظم خوراک عبد الحمید کیانی نے کمیٹی ممبران کے ہمراہ نیلم فلور ملز مظفر آباد اور گیلانی فلور ملز کو ہالہ کا معائنہ کیا۔ اس دوران ایڈیشنل ناظم خوراک سردار طارق، ڈی ایف سی مظفر آباد، باغ اور سٹور آفیسر خوراک راولپنڈی کے علاوہ فلور ملز نمائندگان بھی موجود تھے۔ دوران معائنہ فلور ملز پر غیر ملکی گندم کی چند بوریاں بہتر نہیں تھیں اسکے علاوہ بقایا جملہ سٹاک تسلی بخش پایا گیا جس پر ناظم خوراک نے متعلقین کو ہدایات کیں کہ دوران پسوائی اگر گندم خراب حالت میں پائی جائے تو اس کی پسوائی نہ کی جائے بلکہ اسکو علیحدہ کردیا جائے۔ انہوں نے کہا کہ عوام الناس کو رمضان المبارک کے بابرکت ماہ کے دوران حفظان صحت کے اصولوں کے مطابق آٹا کی فراہمی کو بہرصورت یقینی بنایا جائے اور کسی قسم کی شکایت آئے تو متعلقین کے خلاف تحت ضابطہ کارروائی عمل میں لائی جائے