آزادکشمیر کے وزیر توانائی وآبی وسائل چوہدری ارشد حسین نے کہا ہے کہ صدر ریاست بیرسٹر سلطان محمود چوہدری اور وزیر اعظم سردار تنویر الیاس خان کی قیادت میں حکومت آزادکشمیر میں تعلیمی ترقی کے لیے ہر ممکن اقدامات اٹھا رہی ہے

آزادکشمیر کے وزیر توانائی وآبی وسائل چوہدری ارشد حسین نے کہا ہے کہ صدر ریاست بیرسٹر سلطان محمود چوہدری اور وزیر اعظم سردار تنویر الیاس خان کی قیادت میں حکومت آزادکشمیر میں تعلیمی ترقی کے لیے ہر ممکن اقدامات اٹھا رہی ہے جس سے آزادکشمیر میں لٹریسی ریٹ بڑھ گیا ہے۔اساتذہ طلبا و طالبات کی ذہنی و جسمانی صلاحیتوں کوا جاگر کرنے کے ساتھ ساتھ معیار تعلیم کی بلندی کے لیے بھی اپنا کردار اداکریں تاکہ آزادکشمیر سے فارغ التحصیل ہونے والے گریجویٹس کو روزگار کے مواقع مل سکیں۔ ایلیمنٹری تعلیمی بورڈ میرپور کے سالانہ نتائج نہایت ہی حوصلہ افزاء ہیں جن میں پبلک و پرائیویٹ سکولوں کے طلبا و طالبات نے بھرپور مقابلے کا مظاہرہ کیا ہے۔جن طلبا و طالبات نے نمایاں پوزیشن حاصل کی وہ مبارکباد کے مستحق ہیں اور جو طلبا و طالبات مقابلہ میں پیچھے رہ گئے ہیں وہ مزید محنت کریں اگلے امتحان میں وہ بھی نمایاں پوزیشن حاصل کرسکیں گے