ترجمان وزیراعظم آزاد کشمیر توصیف عباسی نے کہا ہے کہ حکومت آزاد کشمیر تمام علاقوں میں یکساں بنیادوں پر ضروریات زندگی کی بنیادی سہولتیں مہیا کر نے کیلئے پر عزم ہے اور اس سلسلے میں ایک جامع منصوبہ بندی اور حکمت عملی پر عمل کیاجارہاہے

 ترجمان وزیراعظم آزاد کشمیر توصیف عباسی نے کہا ہے کہ حکومت آزاد کشمیر تمام علاقوں میں یکساں بنیادوں پر ضروریات زندگی کی بنیادی سہولتیں مہیا کر نے کیلئے پر عزم ہے اور اس سلسلے میں ایک جامع منصوبہ بندی اور حکمت عملی پر عمل کیاجارہاہے۔ مظفرآباد وگلگت بلتستان بس سروس کے آغاز سے مظفرآباد،سری نگر بس سروس کی یادیں تازہ ہوگئیں۔گلگت بلتستان اور مظفرآباد کے عوام میں محبتوں کے رشتے مزید مضبوط ہوں گے۔ وزیراعظم آزاد کشمیر سردار تنویر الیاس کی ہدایات کے عین مطابق ٹرانسپورٹ اتھارٹی آزادکشمیر نے تمام تر انتظامات مکمل کر لئے ہیں۔ وزیراعطم آزادکشمیر سردار تنویرالیاس خان اور وزیراعلی گلگت بلتستان کے اقدامات قابل ستائش ہیں۔توصیف عباسی نے کہا کہ ٹرانسپورٹ اتھارٹی آزادکشمیر نے تمام تر انتظامات کو حتمی شکل دے دی ہے۔ آزاد کشمیر کے عوام اور گلگت بلتستان کیعوام نے بس سروس کے اقدامات کو سراہا ہے۔وزیراعظم آزاد کشمیر سردار تنویر الیاس کی عوام دوست پالیسیوں کا  آزاد کشمیر کی عوام نے خیرمقدم کیا ہے۔ توصیف عباسی نے کہا کہ وزیراعظم آزاد کشمیر سردار تنویر الیاس کی  قیادت میں آزادکشمیر بہت تیزی سے ترقی کی جانب گامزن ہے۔ تاریخ میں پہلی بار ایسا ہوا ہے کہ کوئی ریاستی وزیراعظم اس طرح عوام کے مسائل سن رہا ہے اور بذات خود انکے حل کے لیے کوشاں ہے۔ ترجمان وزیراعظم آزاد کشمیر توصیف عباسی نے آزاد کشمیر کے سینئر بزرگ سیاستدان سردار سیاب خالد کی وفات پر گہرے دکھ اور صدمے کا اظہار کرتے ہوئے انکی درجات بلندی اور پسماندگان کے لیے صبر جمیل کی دعا کی انھوں نے کہا انکی رحلت سے آزاد کشمیر کی سیاست میں ایک بڑا خلا پیدا ہو گا جو مدتوں بعد پورا نہیں ہو گا۔

٭