میرپور (پی آئی ڈی)26جنوری2023
آزاد کشمیر کے وزیر توانائی وآبی وسائل وادارہ ترقیات میرپور چوہدری ارشد حسین نے کہا ہے کہ 26 جنوری بھارت کے یوم جمہوریہ کو یوم سیاہ کے طور پر منا رہے ہیں

آزاد کشمیر کے وزیر توانائی وآبی وسائل وادارہ ترقیات میرپور چوہدری ارشد حسین نے کہا ہے کہ 26 جنوری بھارت کے یوم جمہوریہ کو یوم سیاہ کے طور پر منا رہے ہیں بھارت خود کو دنیا کی سب سے بڑی جمہوریت کا دعوہ کرتا ہے،حالانکہ حقیقت اس کے برعکس ہے،مقبوضہ کشمیر پر بھارتی مظالم اور مقبوضہ کشمیر پر ناجائز قبضہ بھارت کی مکاری کا منہ بولتا ثبوت ہے،ایسے میں اقوام عالم کی مجرمانہ خاموشی لمحہ فکریہ ہے اور اگر اقوام عالم نے بھارتی درندگی کا نوٹس نہ لیا تو مقبوضہ کشمیر میں بھارتی مظالم کی آگ دنیا کو لپیٹ میں لے سکتی ہے،آزاد کشمیرکے تمام اضلاع میں اور دنیا بھر میں مقیم کشمیری آج یوم سیاہ منارہے ہیں۔انہوں نے کہا کہ صدر ریاست بیرسٹر سلطان محمود چوہدری نے اپنی تمام زندگی مقبوضہ کشمیر کی آزادی کی جدوجہد میں گزار دی ہے،صدر ریاست بیرسٹر سلطان محمود چوہدری کے صدر ریاست منتخب ہونے کے بعد انہوں نے مسئلہ کشمیر کے حل کے لیے کاوشیں تیز کردیں ہیں۔